澳洲升學小攻略

好多人完成公開試或者大學學位之後會選擇喺澳洲升學，因為澳洲擁有完善嘅教育制度，唔少大學同埋課程都受到全球認可。不過網上資訊繁多，小編就整合下有關澳洲升學途徑、簽證同埋住宿嘅問題啦！

如果你係中六考生，成績又達到院校嘅要求，可以直接升讀澳洲嘅大學學士一年級。如果你係中五學生或者係成績未如理想嘅話都唔緊要，你可以報讀當地嘅大學基礎班，再升讀學士一年級，或者係完成大學基礎班後先升讀文憑，再升讀學士二年級。而如果你係副學士或者高級文憑學生，就可以憑成績升讀學士二年級課程。

喺澳洲留學之前，你必須要獲得學生簽證先得呀！要留意嘅係，只有全日制註冊課程或者係部份註冊課程先可以拎到學生簽證架！只要申請咗學生簽證，你就可以喺澳洲留學超過三個月以上，16歲以上嘅學生同時可以獲得工作簽證。獲得簽證嘅期間可以自由出入澳洲，仲可以獲得澳洲學生醫療保助添！

解決咗簽證之後，仲要考慮到住宿嘅問題。其實大部份嘅澳洲大學都會為海外嘅學生提供住宿， 所以都唔使太擔心嘅！除咗宿舍之外，你都可以考慮寄住家庭或者係合租公寓。想知道更多關於澳洲升學嘅資訊，click入去https://aas.com.hk/countries/australia 睇下啦！